 |
“Pavarësisht nga rezultati i zgjedhjeve të qershorit, Greqia ka nevojë për solidaritet (në euro) dhe për kohë (zgjatje të afatit të pagesave dhe ndihmë gjatë rindërtimit), madje edhe nëse “pseudointelektualë” pretendojnë se Greqia nuk duhej kurrë të përfshihej në eurozonë”, thekson në kryeartikullin e gazetës prestigjoze austriake Wiener zeitung, kryeredaktori Reinhard Goweil.
Në shkrimin e tij që i kushtohet krijimit në të ardhmen të një unioni bankar, Goweil përshëndet apelin, impresionues siç shprehet, të 50 personaliteteve ndërkombëtare që t’i jepet Greqisë më shumë kohë, por edhe rekomandimin e Komisionit Europian për mbështetjen e menjëhershme me likuiditete të bankave.
Në vazhdim, gazetari i njohur i referohet faktit se nga 177 miliardë euro që janë disponuar deri më tani për Greqinë, më shumë se dy të tretat e kësaj shume janë kthyer “direkt” të Trojka, domethënë BE, BQE dhe FMN, në interes të huadhënësve dhe të huamarrësit.
AMNA/-
